JAN
26
PANAKKAD , MALAPPURAM
പാണക്കാട്: ഹാദിയ റിസോഴ്സ് ഹബ് സംഘടിപ്പിക്കുന്ന ജാലകം, ജൂനിയര്‍ സ്മാര്‍ട്ട് അവധിക്കാല ക്യാമ്പിനുള്ള റജിസ്ട്രേഷന്‍ ആരംഭിച്ചു, ഏപ്രില്‍ 10 മുതല്‍ 13 വരെ എസ്.എസ്.എല്‍.സി, പ്ലസ് വണ്‍, പ്ലസ് ടു ആണ്‍കുട്ടികള്‍ക്കും 17 മുതല്‍ 20 വരെ പെണ്‍കുട്ടികള്‍ക്കുമായി കരിയര്‍ ജാലകവും ഏപ്രില്‍ 20,21,22 തിയ്യതികളിലായി ഏഴ്,എട്ട്,ഒമ്പത് ക്ലാസ് കുട്ടികള്‍ക്കായി ജൂനിയര്‍ സ്മാര്‍ട്ട് ക്യാമ്പും നടക്കും. പ്ലാന്‍, സെല്‍ഫ് എക്സ്പ്ലോര്‍, ക്രിയേറ്റിവിറ്റി എന്നീ സെഷനുകളിലായി കുട്ടികളുടെ സ്വഭാവ രൂപീകരണം, ധാര്‍മികാന്തരീക്ഷം, ഖുര്‍ആന്‍ പഠനം, ഇസ്ലാമിക ജീവിത പരിശീലനം എന്നിവയടങ്ങുന്നതാണ് ക്യാമ്പ്. ഹാദിയ വെബ്സൈറ്റ് വഴിയാണ് റജിസ്റ്റര്‍ ചെയ്യേണ്ടത് ( http://www.hadia.in/reg.html ). കൂടുതല്‍ വിവരങ്ങള്‍ക്കും റജിസ്റ്റര്‍ ചെയ്യുവാനും 7356101621 , 9947600046 എന്നീ നമ്പറുകളില്‍ ബന്ധപ്പെടുക.
FEB
04
PANAKKAD , MALAPPURAM
ഭാര്‍പ്പേട്ട: ഹാദിയ നാഷണല്‍ എജ്യൂക്കേഷന്‍ കൗണ്‍സിലിനു കീഴില്‍ ദാറുല്‍ ഹുദാ ആസ്സാം കാമ്പസ് കേന്ദ്രീകരിച്ചു നടത്തിയ ട്രൈന്‍ ദ ട്രൈനേഴ്സ് പ്രോഗ്രാം ശ്രദ്ധേയമായി. മാര്‍ച്ച് 3,4 തിയ്യതികളിലായി നടന്ന പരിപാടിയില്‍ ഭാര്‍പ്പേട്ട ജില്ലയില്‍ നിന്നുള്ള പതിനഞ്ചില്‍ പരം ട്രൈനര്‍മാര്‍ പങ്കെടുത്തു. വി. മുനീര്‍ ഹുദവി പേങ്ങാട് നയിച്ച പരിപാടി ദാറുല്‍ ഹുദാ ആസ്സാം കാമ്പസ് പ്രിന്‍സിപ്പള്‍ സയ്യിദ് മുഈന്‍ ഹുദവി ഉദ്ഘാടനം ചെയ്തു. ഹാദിയ നാഷണല്‍ പ്രൊജക്റ്റ് കോര്‍ഡിനേറ്റര്‍ സഈദ് ഹുദവി ആനക്കര അധ്യക്ഷത വഹിച്ചു. .
NOV
24
PANAKKAD , MALAPPURAM
കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിനു കീഴില്‍ പതിനായിരം മദ്രസകള്‍ തികഞ്ഞതിനോടനുബന്ധിച്ചു കേഴിക്കോട് മറൈന്‍ ഗ്രൗണ്ടില്‍ സംഘടിപ്പിച്ച ഹെറിറ്റേജ് എക്‌സ്‌പോയില്‍ ഹാദിയ നാഷണല്‍ പ്രൊജക്ട് പവലിയന്‍ ശ്രദ്ദേയമായി. ഉത്തരേന്ത്യയില്‍ വര്‍ഷങ്ങളായി ഹാദിയ ചെയ്തു വരുന്ന മദ്രസാ പ്രവര്‍ത്തനങ്ങളെ ലളിതമായി പൊതു ജനങ്ങള്‍ക്ക് പരിചയപ്പെടുത്തുന്നതായിരുന്നു ഹാദിയ പവലിയന്‍. അഞ്ചു മിനിറ്റു കൊണ്ട് ഹാദിയ പ്രവര്‍ത്തനങ്ങളെ അവതരിപ്പിക്കുന്ന ഡോക്യുമെന്റെറി പ്രദര്‍ശനത്തോടൊപ്പം വിവിധ സംസ്ഥാനങ്ങളിലായി ഹാദിയ ചെയ്തു കൊണ്ടിരിക്കുന്ന പ്രവര്‍ത്തനങ്ങളെ വര്‍ഷാടിസ്ഥാനത്തില്‍ സൂചിപ്പിക്കുന്ന വിവരണങ്ങളും പവലിയനില്‍ ഒരുക്കിയിട്ടുണ്ടായിരുന്നു.
